Контрактацияси тўхтатилганига 70 кундан ошган Lacetti, Cobalt, Damas ва Labo нархлари кўтарилиши мумкин Автострада манбаларига кўра, ҳукуматга UzAuto Motors томонидан бюджет моделларининг нархларини ошириш таклифлари киритилган. Демак, ёзилишича, киритилган таклифлар орасида "аяйдиган" вариантлар ҳам мавжуд. Бу вариантларга кўра нархлар атига 3-5 фоизга кўтарилади холос. Бизнингча, "аяйдиган" вариантнинг тасдиқланиши эҳтимоли юқори эмас ва монополист иштаҳалари инобатга олинса, нархларнинг ўсиши фоизи икки хонали кўриниш ҳосил қилади. Маълумот учун, 2020 йилдан буён UzAuto Motors автомобилларининг прейскурант нархлари ҳар йили март ойидан ошириб келинади.