UzAuto Motors: Янги нархлар Кутилганидек, UzAuto Motors 2022 йил 3 мартдан бошлаб ишлаб чиқарилган автомобиллар нархини оширди: Прейскурант бўйича Gentra/Lacetti — 12 фоизга, Damas/Labo, Spark, Сobalt , Nexia-3 — ўртача 10 фоизга қимматлаган. Хусусан: Spark 4-позиция — 104 миллион 95 минг сўм; Gentra 1-позиция — 128 миллион 284 минг сўм; Gentra 3-позиция — 153 миллион 506 минг сўм; Nexia-3 АТ/+ — 119 миллион 921 минг сўм; Cobalt АТ/+ — 125 миллион 795 минг сўм этиб белгиланган. Чайқовчилик қилиб (бож тўламасдан) хориждан келтириб сотиладиган Malibu 2, Tracker, Trailblazer, Equinox, Traverse va Tahoe нархлари ҳозирча ўзгаришсиз қолган. Шу маънода, бу нўноқ компания ўзини қийнаб Gentra/Lacetti, Damas/Labo, Spark, Сobalt ва Nexia-3ларни ишлаб чиқармай, импорт қилиб олиб келинса арзонроқ тушармиди, нархлар ошмасмиди, деган ҳаёл келади беихтиёр. P.S, Нархларга кўз югуртирилганда Malibu 2 (405,9 млн.сўмгача) ва Tracker (264,0 млн.сўмгача) ҳам ўртача 10 фоизга ошганига гувоҳ бўлинди. @the_bakiroo