Damas’нинг нархи нега айнан 21 фоизга оширилди? Бунда доллар курси ўзгариши, коммунал тўловлар қиймати ошиши, транспорт харажатлари нархи кўтарилишининг ўрни қанчалик? Spark’нинг нархи нега 10—21 фоизга оширилди? Cobalt’ники-чи, нега унинг нархи модификациясига қараб 10 фоиздан 14 фоизгача кўтарилди? «Энг локализация қилинган» Nexia’нинг нархи 19 фоизгача ўсиши бўйича тайинли изоҳ йўқми? Хўп, «сўнгги марта автомобиль нархлари ўзгарганидан буён долларнинг сўмга нисбатан айрибошлаш курси ўсди, хом ашё нархлари, коммунал хизматлар тарифлари, транспорт хизматлари нархлари ошди», яна эл қатори ҚҚС тўлашни ҳам бошлабсизлар, тушунарли. Лекин нега Damas’нинг нархига таъсир қилган бу ўзгаришлар Malibu’нинг нархига бир грамм ҳам таъсир кўрсатмаган? Нега? Нега ЎзАвтоМонополМоторснинг бугунги бир тийинга қиммат баёнотида бу саволларга жавоб йўқ? Нега ҳар бир нарх ошиши бирма-бир тушунтирилмаган? Баёнотингни чиқарган жойингга тиқиб ол, дегинг келади бу баёнотни ўқиб. Икки кун мум тишлаб, ўйлаб топган гапларини-чи буларнинг! #СочинггаБитТушсинЎзАвтоМонополМоторс