Бошланди: Россиянинг чўнтак бизнесменлари ўзлари учун қулай курс белгилашни сўрашмоқда 2017 йилгача ёпиқ конвертация шароитида амал қилган ўзбекча модель айнан шунинг устига қурилган эди. Бугун ўзларини тадбиркор деб атайдиган корчалонлар бутун бошли бизнес империяларини айнан шу йўл билан барпо этишган (қачонлардир вақти келади, 2008 йилдан 2017 йил 31 августгача конвертация олган барча субъектлар номма-ном очиқ эълон қилинади). Россиядаги чўнтак бизнесменлар ҳам шу йўлдан юриш истакларини намойиш этишни бошлашган. Ҳозирча улар ҳукуматдан божлар учун тўловларда санкцияларгача бўлган курсни (1 доллар 74 рубль) қўллашни сўрашмоқда. Лекин иштаҳа овқат пайтида келади. бу фақат бошланиши бўлади. Яна бир оз вақт ўтади. Шартли миллиардер Иванов 1 доллар -100 рублдан миллиардлаб конвертация олишни бошлайди, ракдан ўлаётган шартли Петров эса операцияга 2000 доллар олиш учун йиллаб навбатда туради, агар навбати келгунча ўлиб қолмаса, 2000 долларни нақд валюта ечиш мумкин бўлмаган Мир картасига ташлаб беришади. Оз қолди шунга.