​Хўжақулсин аҳли асфальт йўл эмас, қум-тош йўл сўраяпти холос Ватандошларимизга, гарчи 21- асрда яшаётган бўлсак-да, кўп нарса керакмас. "Хўжақулсин" маҳалласи аҳли Томчи қишлоғининг ёнидаги сойдан Хўжақулсин қишлоғигача йўлга қум-тош тўкиб беришни илтимос қилаяпти. Йўл тасвирини қуйида кўришингиз мумкин. Ташаббус муаллифинининг ёзишича, қишлоқдагилар ҳатто ўз таклифларига овоз ҳам бера олмайдилар. Чунки қишлоқда антенна йўқ. Аҳмаджон ака, мен сизни жуда яхши тушунаман. Мен туғилган қишлоқдаям антенна йўқ, қирғиз сим-карталаридан фойдаланилади. Пешонамизга шу битган экан-да. Ҳурматли ўзбекистонликлар, антеннаси бор Сурхондарё аҳли, Хўжақулсин аҳлининг арзи-доди учун ўзимиз овоз бориб ёрдам берайлик. Барибир ҳукуматимизнинг йўл ва алоқага масъуллари Хўжақулсинга бориб муаммони ҳал қилиб бермайди.