Ҳар бир оила тадбиркор дастури доирасида ажратилган имтиёзли кредитлар Солиқ тўловчилар ҳисобидан қопланадими? Ҳукуматнинг 2022 йил 9 мартдаги 02-02/01-3021 сонли баённомасига кўра (нусхаси бор), 2017-2021 йилларда оилавий тадбиркорлик учун ажратилган, лекин қайтарилмаган муаммоли кредитларни маҳаллий бюджетларнинг ошириб бажарилган қисми ҳисобидан сўндириш бўйича Ҳукуматга таклиф киритиш вазифаси белгиланган. Кейинчалик ундирилган кредитларга нисбатан регресс ҳуқуқини қўллаш ҳақида гап-сўз йўқ. Янги даврнинг ўтган йилларида оилавий тадбиркорлик шиори остида ажратилган имтиёзли кредитлардан маҳаллий ҳокимлар, уларнинг воситачи ва ўртамчи шотирлари манфаатдор бўлиб келишган. Қарздорларга каррасига қиммат қорамол, товуқ, қуен, лимон кўчатлари ва иссиқхоналарнинг шиширилган қиймати асосан шу ўртамчилар чўнтакларида жамланган. Энди қарангки, мазасини ҳокимтўралар ва уларнинг шотирлари кўрган кредитлар яна Солиқ тўловчилар ҳисобидан сўндирилиши мумкин. Шу билан ҳаммаси ёпти-ёпти бўлади, кетади. Бу кетишда биронта ҳоким, биронта ўртамчи воситачилар жазоланмай, сувдан қуруқ чиқишади. Бизнингча, имтиёзли кредитлаш бўйича энг расво, энг катта ўзлаштиришлар юз берган Андижон, Наманган ва Самарқанд вилоятлари бўйича бундай тартибда кредитларни сўндиришга асло йўл қўйиб бўлмайди. Токи ўғри-муттаҳамлар жазосини олмагунича. @the_bakiroo