2022 йил 1 апрелдан бошлаб қиймати қатъий суммада белгиланган банк операциялари ҚҚСга тортилади Бу бўйича Молия вазирлиги Солиқ кодексига киритилган ўзгартиришлардан келиб чиқиб қатор тушунтиришларни тақдим этган. Айтилишича, Қатъий деб қатъий пул суммасида белгиланган (шу жумладан, базавий ҳисоблаш миқдорида (ёки миқдоридан) ифодаланган) ҳамда банк операцияси суммасидан фоизларда ҳисобланмайдиган банк операциялари бўйича хизмат қиймати тан олинади. Агар солиқ тўловчи ўзининг нарх сиёсатидан келиб чиқиб, хизматга икки элементнинг комбинациясидан таркиб топган тариф (операция суммасидан фоизларда, бироқ бунда хизмат қиймати қатъий пул суммаси минимал (ёки максимал) миқдоридан кам (ёки кўп) бўлмаган) белгиласа, у ҳолда хизмат фақатгина фоизда ифодаланган хизмат қиймати қисмида ҚҚС дан озод қилинади.