Россия Марказий банки нақд валюта чекловларини бироз юмшатмоқда Душанба, 11 апрелдан бошлаб валюта биржаси орқали валюта сотиб олишда брокерлар учун ўрнатилган 12%лик комиссия бекор қилинади. Шунингдек, регулятор банкларга импортерлар учун валюта сотишда биржа курсидан 2 рублдан ортиқ бўлмаган спред қўллашни тавсия этмоқда. Шунингдек, 11 апрелдан бошлаб фуқаролар 2022 йил 9 мартгача очилган валюта ҳисобварақлари ва омонатларидан нақд евро ҳам ечиб олишлари мумкин бўлади. Фақат 9 сентябргача бўлган муддатда 10 минг доллар эквивалентидан ортиқ бўлмаган чекловлар тўлиқ сақлаб қолинади. Яна бир янгилик шуки, фуқароларга 9 апрелдан кейин банк кассаларига топширилган нақд валюта доирасида 18 апрелдан бошлаб нақд валюта ечиб олиш мумкин бўлади. Резидентлар учун бошқа валюта чекловлари ва норезидентлар билан боғлиқ барча чекловлар амал қилишда давом этади.