250 доллар АА ёзмоқда: "Ayolimni bugun ko'zi yorish kerak edi. Respublika Perinatal markaziga opkeldik. Birinchi farzandimiz perinatal kasaldan 1 kun yashab vafot etgani uchun shu yerga kelamiz majbur. Sharoitimiz sal og'irligi uchun order ham taxlatib kelganmiz (chunki bu yerda tug'ish qimmat). Shunga qaramasdan suyunchini oldindan gaplashvololik deb duxtirlar 250$ so'rashyapti. Yo'qsa, oddiy raddomga borila deyishyapti. Korrupsiya degan baloni bu sarqitlariga qachon chek qo'yamiz bilmadim". Таълим ва тиббиётнинг деградацияси инсон сифатини пасайтиради, камбағаллик ибтидоси шу ердан бошлаб яралади. P.S. Коррупцияга қарши кураш фалон жойда пора сўрашаяпти, курашинглар, ёзинглар, деб дод-вой солиш билан битмайди. Жуда кўп шикоятлар, хусусан юқоридаги муаммо бўйича оғриқларини баён қилган юртдошимиз ҳам коррупцияга қарши бошқалар курашиб беришини исташади. Фақат улар эмас. Ўзлари эса четда туриши керак, уларнинг номи очилмаслиги зарур. Муаллифнинг исми, шарифи маълум. Таъмагирлик ҳолати бўйича, унинг айтишича, далиллари ҳам мавжуд. Фарзанд туғилиши билан боғлиқ ҳар бир инсонда бўладиган қўрқув ва хатарлар ҳолатни тўлиқ очиқлашга изн бермаётганини қабул қилишга ҳозирча тўғри келади.