Роснефть рублда сотиш шартларида нефть сота олмади Роснефть'нинг жами ҳажми 6,5 млн тонна бўлган Urals, Siberian Light, Sokol ва ESPO Blend навли нефть тендерлари учун биронта буюртма топширилмаган. Тендер шартларига кўра май-июнь ойларида етказиб бериладиган нефть учун тўловлар рублда амалга оширилиши лозим эди. Путин фармонига кўра, 1 апрелдан кейин етказиб бериладиган нефть учун ҳисоб-китобларни рублда амалга ошириш шартларига ўтиши белгиланган. Ҳозирча бу йўлдаги ҳаракатлар натижа бераётгани йўқ. Европалик трейдерлар эмбарго эълон қилинмаган бўлсада, рус нефтидан ўзларини четроқда тутишга уринишмоқда. Осиёлик трейдерлар эса хусусий битимларда жуда катта дисконт талаб этишмоқда. Апрель ойидаги рус нефти олди-сотди битимларнинг айримлари брентга нисбатан 40 долларгача дисконт билан ўтган.