Сезилган инфляция пасайган Март ойидан бирдан юқорилаган сезилган инфляция апрелда 1,1 фоиз бандига пасайиб, 14,6%ни ташкил этган. Сўралганларнинг кўпчилиги ўтган ойда ўсимлик ёғи (сўралганларнинг 43%и), шакар ва қандолат (42%) ҳамда нон ва ун маҳсулотлари (31%) юқори даражада қимматлаганини сезишган. Шунингдек, юқори даражада нарх ўсиши фаолият соҳалари ичида умумий овқатланишда рўй бергани эътироф этилган. Ҳудудлар орасида сезилган инфляциянинг баланд даражаси Бухорода қайд этилган (17,2%), энг пасти эса Сурхондарёда (12,6%). Апрелда кам даромадлилар учун озиқ-овқат инфляцияси ҳам 14,5%гача (-1,2%) пасайган. Лекин деярли барча даромад гуруҳларида ноозиқ-овқат маҳсулотлари инфляцияси юқорилаган. Бу инфляция тўлқини ноозиқ-овқатлар сегментидаги товарларни ҳам қамраб олаётганини кўрсатади (логистика ва импорт шароитлари оғирлашаётгани билан боғлиқ).