АҚШда инфляция ўзбекча инфляцияга келбат беришни бошлади Май ойи давомида АҚШда 1%лик инфляция кузатилган (Ўзбекистонда ҳам май ойида шундай кўрсаткичда нархлар ошиши кузатилган). Дунёнинг энг йирик иқтисодиётида йиллик инфляция 8,6%га етган. Инфляциянинг негизини худди Ўзбекистондаги каби озиқ-овқат ва ёқилғи нархлари шакллантирмоқда. Йил давомида озиқ-овқатлар 10,1%га, ёқилғи эса 34,6%га қимматлаган. Ёқилғи ва озиқ-овқатни ҳисобга олмаганда, Америкада нархлар ошишига (6%) ҳарқалай чидаса бўлади. Умуман олганда, бу йил инфляция глобал муаммога айланади. Гап фақат Россия бошлаган босқинчилик уруши ва унинг оқибатларида эмас, бу оқибатлар ҳали кўп азоб-уқубатлар ва тўловлар келтиради. Ҳозирги инфляция тўлқини пандемия даври миқдорий юмшатишларининг акс-садолари ва қаттиқлаштириш сиёсатининг кечиккани билан кўпроқ боғлиқ. Урушнинг тўлови бўйича тўлов ҳужжатлари ҳали манзилимизга тўлиқ етиб келгани йўқ.