Иккинчи экспорт товаримиз миснинг нархи 15 кун ичида 9800 доллардан 8600 долларгача арзонлади Топган пулларни топилган вақтдаёқ чайишга ўрганиб қолинган янги давр учун бу жуда катта чақириқлар яратиши мумкин. Чунки юқори ва самарасиз харажат нормаларига, фискал тийиқсизликка аллақачон кўникиб бўлинган. Ўтган даврдан фарқли ўлароқ ҳозир Ўзбекистоннинг хом-ашёлар қиммат бўлганда қора кунлар учун жамғариладиган буфер захиралари мавжуд эмас, қора кунга захиралаш механизмларидан ҳам аллақачон воз кечилган. Иқтисодчилар, иқтисодий сиёсатни белгиловчи экспертлар орасида янги рецессия эҳтимоли ҳақида кундан кунга кўпроқ гапирилмоқда. Рецессия вақтида энг биринчи бўлиб хом-ашё экспорт қиладиган давлатлар жавр кўради. Ўзбекистон айнан шундай давлатлардан бири.