Россиядан олтин импорти тақиқига Европа иттифоқи ҳам қўшилмоқчи Европа иттифоқи Буюк Британия Канада, АҚШ ва Япония биргаликда киритишга тайёр бўлиб турган олтин эмбаргосига қўшилиши мумкин. Бу ҳақда кеча Европа Кенгаши раиси Шарль Мишель маълум қилган. Аввалроқ G7 саммити доирасида Буюк Британия Россиядан олтин импортига чекловлар жорий қилиш масаласини ўртага ташлаганди. Кейин Канада, АҚШ ва Япония бу таклифни қўллаб-қувватлашди. Россия йилига 19 млрд.долларлик олтин экспорт қилади ва бу олтин асосан Ғарб давлатларига йўналтирилади. Уруш бошлангач унцияси 2050 долларгача кўтарилган олтин нархлари охирги ойларда 1800-1850 доллар атрофида нисбатан барқарор коридорда турипти. Россия олтинига нисбатан чекловлар нархларни яна юқорига кўтариши мумкин, энг йирик экспортерлардан бўлган Ўзбекистон учун бу албатта манфаатли.