Оилавий тадбиркорликка ажратилган кредитларнинг NPLи 19%и, ширкатларда бу кўрсаткич 14,2% Марказий банк кеча эълон қилган ва аввалроқ очиқланган маълумотларга таянилса, Тадбиркорликни ривожлантириш учун, яъни камбағалчиликни тугатиш учун ажратилган имтиёзли кредитларнинг NPLи 19%, яъни шунча қисми муаммоли. Регулятор бу тоифадаги кредитлар бўйича муаммоли кредитлар улушини алоҳида кўрсатмаган, Унда қаерда олдинг, дейишингиз мумкин, Ипотека, истеъмол ва микроқарзлар бўйича NPL ҳажми чиқариб ташланган ҳолда ва аввалги эълон қилинган очиқ маълумотлар асосида қайта ҳисоблаб чиқилди. Корпоратив кредитлар бўйича энг оғир аҳвол уй-жой коммунал хизмат кўрсатиш соҳасида. Асосан ширкатларга ажратилган кредитлар бўйича NPL 14,2%. Йил бошида аҳвол янаям оғир эди. Ширкатларга ажратилган кредитларнинг 35%и муаммоли экани очиқланган ҳолда, тугатилаётган ширкатларнинг муаммоли кредитлари 3 йилга музлатилиши эълон қилинганди. Муаммоли кредитлар улушининг 35%дан 14,2%гача пасайиши уларнинг ундирилиши эмас, бошқарув компаниялари номига қайта расмийлаштиилиши ва музлатилиши ҳисобига рўй берган. Бошқача айтганда аҳволимиз яхши бўлиб қолмаган.