Европада электр энергияси нархлари рекорд даражада қимматлашишда давом этмоқда Аномал иссиқ ва Россия тарафидан газ етказиб беришнинг чекланиши натижаси ўлароқ генерациянинг қиммат турларига ўтилиши сабабли Европада электр нархлари рекорд даражада қимматлашишда давом этаяпти. Шу кунларда электр энергиясининг суткалик ва кунлик биржа нархлари шимолий платформаларда мегаватт соати 500 еврога яқинлашмоқда. Биржадаги савдоларнинг асосий ҳажмини белгилайдиган бир ой кейинга ва бир йил кейинга етказиш шартларидаги нархлар эса 400 евродан ошган. Чакана истеъмолчиларни электр билан таъминлайдиган операторлар бирин-кетин тарифларни қайта кўриб чиқилиши ҳақида эълон қилишни бошлаган. Европанинг катта қисмида август ўрталарига қадар аномал иссиқ сақлаб қолиниши прогноз қилинмоқда.