Сезилган инфляция пасаймоқда, лекин ижтимоий товарлар нархи ўсишда давом этмоқда Июль ойи якунларига кўра, сезилган инфляция кўрсаткичи 1,8 фоиз бандига пасайган ва 16,8%ни ташкил этган. Яъни расмий инфляция ва сезилган инфляция ўртасидаги фарқлик қисқаришда давом этмоқда. Респондентлар шакар ва қандолат, нон ва ун, бензин ва ёқилги товар гуруҳларида нархлар юқори даражада ўсганлигини қайд этганлар. Шакар ва ун, шунингдек, гўшт, пиез, гуруч, ёғ нархларининг йиллик ҳисобда қимматлашгани ижтимоий товарлар инфляциясини 18.0%гача кўтарган (+0,1%).