"Эскича усуллар билан ишлаб бўлмайди" Давлат раҳбари бугун ҳақ гапни айтди. Энди Қорақалпоғистонда эскича усуллар билан ишлаб бўлмайди. Битта шахсга, унинг лояллигига таяниш, бутун тизимни шу вертикал устига қуриш тўғри эмаслигини вақт синовидан ўтмаган хатоларимиз кўрсатди. Бекорга Конституциямиз бўйича Қорақалпоғистонда парламент бошқаруви белгиланмаган. Аввалбошдан Жўқорғи Кенгес, яъни коллегиал, кенг вакилликка таянилган бошқарув платформаси энг мақбул ечим бўлган. Энди мана шу платформага де-факто амал қилиш зарур. Шу билан бирга, Жўқорғи Кенгес даврий чақириқлар асосида эмас, доимий ишловчи профессионал парламентга айланиши керак. Кенгеснинг Марказда ишловчи ва яшовчи аъзолари ҳам Қорақалпоғистонда яшаши, ишлаши тўғрироқ бўларди. Шунда улар халққа, дардга, реалликка яқинроқ бўлишади. Ҳокимиятнинг бир қўлда жамланмаслиги, горизонтда ва вертикал тизимларда ўзаро тийиб туриш механизмлари ажратилган, ажратилаетган катта маблағларнинг самарали ишлашини таъминлайди. Шунда, балки имтиёзлардан ҳам наф яралади. Хуллас, жигарбанд минтақанинг раҳбари айни вақтда энг катта тақсимловчи, энг катта буюртма ўзлаштирувчи, энг катта бой ва айни вақтда энг катта лавозим тарқатувчи ролининг бажариши устига қурилган тизим узил-кесил эскирди. Ваколатлардан, ресурслардан, маблағлардан, имкониятлардан, имтиёзлардан фойдаланиш инклюзивлиги каррасига ошиши керак. Шунда халқ албатта бугунидан ва эртасидан рози бўлади. @the_bakiroo