Ўзбекистоннинг ҳақиқий янги юзлари Кун.уз "Ўзбегойим" лойиҳаси доирасида жамоат фаоли Азиза Умарова билан суҳбат уюштирипти. Суҳбатдан иқтибослар: "Оилада қизга сен буни уддалай олмайсан, бу сенга керак эмас, буни қилма, демаслик керак. Қиз боланинг ўзига берадиган баҳоси, курашиш учун куч топа олиши айнан шунга боғлиқ." "Бугун қизлар учун шоу-бизнесдаги аёллар намуна бўляпти. Инстаграмда обуна бўлишади, кўринишини, кийинишига тақлид қилишади. Аммо бир замонлар биз исмларини номма-ном билган илмли аёллар қани?" "Икки ўғил ва икки қиз бўлса, нега сиз икки ўғлингизга таълим берасиз, лекин икки қизингизга икки комплект мебел олиб бериб, турмушга бериб юборасиз?" "Энг ёмони нимада, биласизми? Агар оилавий турмуши ўхшамаса, ажрашса, қизлар аҳолининг энг камбағал қатламига айланиб қолади." https://kun.uz/news/2020/03/01/lider-ayollar-qatlami-qanday-yaratiladi-aziza-umarova-bilan-suhbat