Монополист Uzbekistan Airways ваъда бермоқда. Бизга бу етарли эмас Kommers.uz'нинг ёзишича, фойдаланилмаган авиачипта учун пул маблағларини қайтаришни ойларга чўзадиган монополист ўнгланишга ваъда бермоқда. Эмишки, тез орада авиакомпания сайтида фойдаланилмаган ёки қисман фойдаланилган авиачипталар учун пул маблағини қайтаришнинг соддалаштирилган функциясидан фойдаланиш йўлга қўйилади. Албатта бизга бу етарли эмас. Оддий, базавий, стандарт хизмат учун истеъмолчилар тиланиб олиши керак эмас, фақат шундан кейингина транспорт вазирлиги билан ажратиб бўлмайдиган даражада чатишиб, битишиб, аймоқлашиб кетган компаниянинг кетини қимирлата бошлаши етарли эмас. Бизга танловлар керак. Бизга рақобатли бозор керак. Фақат шундай шароитдагина биз истеъмолчилар сифатсиз хизмат, қиммат нарх ва тескари муносабат учун бу компанияни жазолай оладиган бўламиз.