Банкларни хусусийлаштириш яна кечикади Банкларни хусусийлаштириш бўйича тугамайдиган ўзбекча "сериал"нинг аввалги қисмлари ҳақида мана бу ердан ўқишингиз мумкин. Россиянинг Украинага бостириб кириши бу сериалнинг янги фаслларга чўзишни тақозо этмоқда. Чунки ўзи бусиз ҳам юқори рискли ва узоқ йиллик давлат назоратида жозибадорлиги ва самарасини йўқотган ўзбек банк бозорига инвесторларнинг қизиқишини уруш ва у яратадиган салбий оқибатлар йўққа чиқармаслиги мумкин эмас. Банкларни хусусийлаштириш жараёнини яна тўхтатиб туришга тўғри келаётгани ҳақида бу жараённинг фаол иштирокчиларидан бўлган ЕТТБ ҳам маълум қилмоқда. Маълумот учун, уруш бошлангач давлат банкларини хусусийлаштириш юзасидан камида учта битим бекор қилинди ёки фаол ҳаракатдан тўхтаб қолди.