Ҳукуматнинг ихчамлашиши ётоқхона ёки мактаб етишмовчилиги муаммосини қисқа муддатда узил-кесил ҳал қилган бўларди Ҳамма гап приоритетларда. Ўзбекистонда энг оғриқли муаммолларни ечиш учун пул йўқ эмас, пул кўп, иқтисодиётга ҳаддан зиёд юклама эвазига бюджетда пул етарли. Фақат тақсимлашдаги приоритетларимиз бузуқ. Талабалар турар жойи қуриш учун бу йил субсидияларга 179 млрд.сўм ажратилган. Энди шу пулларни 2022 йил бюджетимизда манфий эффектли вазирликларни боқиш учун ажратилган пулларни қаранг: Мен "яхши кўрадиган" Маҳалла вазирлиги -148 млрд.сўм. Вазирликни тарқатиб юбориб, бу пулга 10та мактаб қурса бўлади. "Кино" вазирлигига - 233 млрд.сўм. Бу пулга энг замонавий 10та талабалар ётоқхонаси қурса бўлади. Лекин булар путинқул актерлар ва сельфичи туркларни чўнтагига миллиардларни тиқиш ва қизил гиламдан кўз-кўз қилиш фойдалироқ деб билишмоқда. Балки улар учун кино дегани шудир?! "Қорамол" вазирлигига - 517 млрд.сўм. Изоҳсиз. Карикатурани ўзингиз чизинг. Шеър ёзсангиз ҳам бўлади. "Жун" вазирлигига - 187 млрд.сўм. Солиштириш учун масалан, онкология ёрдамига 125 млрд.пул ажратилган. Жун вазирлигини боқиш онкологиядан ўлаётганларни қутқаришдан муҳимроқ. Маданият вазирлигига - 728 млрд.сўм. Албатта отарчиликдан кўра вазирлик яхшироқ. Рўйхатни яна узоқ давом эттириш мумкин...