Танишинг: Миллат қотиллари Ўзбекистонда 4 октябрда қатағон қурбонлари ёдга олинади, уларнинг номлари эсланади, аввал отилиб, кейин 5 октябрда суд қарори расмийлаштирилгани қораланади. Доимгидек баттол Сталинга қарғишлар ёғилади. Лекин бу разилликларнинг устида Ўзбекистонда ким ва кимлар тургани ҳақида лом-лим дейилмайди. Архивлар эса тақа-тақа ёпиқ, ҳалигача махфий грифи остида. Чунки кимдир айтганди: ахир архивларимизда Ўзбекистонда жиноятлар тарихи ва жиноятчилар рўйхати акс этган, шунинг учун уларни очишмайди. Демак, буюк террор давридаги миллат қотиллари, яъни ЎзССР учлиги - тройкаси билан танишинг: 1937 йил июль-сентябрь: Акмал Икромов (1-секретарь) Содиқжон Болтабоев (2- секретарь) Николай Загвоздин (НКВД). 1937 йил сентябрда Икромов ва Болтабоев қамоққа олинади, Загвоздин Тожикистонга жўнатилади ва тройка таркиби ўзгаради. Кейинроқ Икромов (1938), Болтабоев (1938) ва Загвоздинларнинг (1940) ўзи ҳам отиб ташланган. 1937 йил сентябрь: Жўра Тўрабеков (1- секретарь в.б.) Борис Шейдлин (Бош прокурор) Султон Сегизбоев (Нарком раиси). Сентябрь охирида Тўрабеков ҳам ишдан олинади ва кейинчалик отиб ташланади. 1937 йил октябрдан тройкага энди сентябрда биринчи секретарликка тайинланган Усмон Юсупов раҳбарлик қилади: Усмон Юсупов (1- секретарь) Борис Шейдлин (Бош прокурор) Султон Сегизбоев (Нарком раиси) Сегизбоев бироз ўтиб Москвага Олий Советга кўтарилиб кетади, лекин барибир 1938 йилда отиб ташланади. Сегизбоевдан кейин ЎзССР учлиги токи катта террор якунлангунча ўзгармай қолади: Усмон Юсупов (1- секретарь) Борис Шейдлин (Бош прокурор) Дереник Апресян (НКВД). Апресян ҳам 1938 йил охирда қамоққа олинган ва отиб ташланади. Эътибор берсангиз, ЎзССР тройкаси таркибидан фақат Сталиннинг севимли шотири Усмон Юсупов ва СССР прокурори Вишинскийнинг шотири Борис Шейдлинлар тирик чиқишган. Айнан шу иккиси энг кўп отув, сургун ва бошқа оғир жазоларни қўллаш бўйича протоколларни имзолашган. Шифртелеграмма И.В. Сталина и В.М. Молотова А.И. Икрамову о замене в составе тройки 9 июля 1937 г. № 906/ ш Ташкент. Секретарю ЦК Узбекистана ИКРАМОВУ Предлагаем вместо Каримова ввести в тройку кого-либо другого. По последним данным Каримов является членом антисоветской группы Файзуллы Ходжаева. Хорошо было бы заменить Каримова на посту предсовнаркома другим безусловно надежным кандидатом. СТАЛИН МОЛОТОВ. Қатағон китоби материаллари асосида