Вазият Марказий Осиёдаги интеграциялашув жараёнининг европалик ҳамкорлар томонидан фаол қўллаб-қувватланишини талаб қилмоқда Давлатимиз раҳбари «Марказий Осиё – Европа Иттифоқи» саммитида сўзлаган нутқида Европа иттифоқини фаолроқ бўлишга чақирган. Устувор йўналишлар сифатида эко-инновациялар, энергия самарадор ва ресурс тежамкор технологияларни кенг жорий этиш; иқтисодиёт тармоқларини рақамлаштириш; «Smart-AKIS» европа тармоғи ёрдамида «ақлли» қишлоқ хўжалигини ривожлантириш; қайта тикланувчи энергия манбалари имкониятларини ишга солиш санаб ўтилган. Шавкат Мирзиёев шунингдек, бозорларимиздаги Европа компаниялари эгаллаши мумкин бўлган жойни учинчи мамлакатлардаги рақобатчилар тўлдираётганига эътибор қаратган.