2022 йилнинг 1 октябрь ҳолатига давлат улуши мавжуд банкларнинг умумий капитали 60,3 трлн. сўмга тенг бўлиб, уларнинг соф фойдаси 3,9 трлн. сўмга етган ва 9 ойлик якунлари бўйича капитал рентабеллиги давлат банкларида ўртача 6,5 фоиз, бошқа банкларда 20,3 фоизга тенг. Давлат банкларида бу кўрсаткич капитали йириклиги бўйича 4-ўринда турадиган Асакабанкда энг паст - 0,8 фоизга, Ипотекабанкда энг юқори - 13,6 фоизга тенг бўлган. Шу темп сақланиб қолса, йиллик ҳисобда давлат банкларининг капитал рентабеллиги 8,6 фоизга тенг бўлади. Бу йиллик инфляция кўрсаткичидан 3,6 фоизга кам. Яъни, давлат банкларга тиккан пулидан номинал фойда кўраётган бўлсада, бирор сўм реал фойда кўрмаяпти. Қайтанга, йилига 2 трлн. сўмдан ортиқ зарар кўряпти. Давлат банкларнинг уставига триллионлаб пул тиккандан кўра, уларни депозитга жойлаштиргани ёки бирор барқарор валютада сақлагани фойдалироқ. Лекин, кимсан Тикланиш ва тараққиёт фонди 209 трлн. сўмлик (йил бошида 212 трлн. сўм бўлган) капитали билан 9 ойда 3 трлн. сўм зарар кўриб турганда, бу нима бўпти дейишса керак.