Пул массаси ўсишдан тўхтаган Март ойида бошланган жараён узлуксизлиги октябрга келиб тўхтаганга ўхшайди. Ўтган ойда кенг маънодаги пул массаси 2,9 трлн.сўмга камайиб, 171,3 трлн.сўмни ташкил этган. Пул массаси таркибида нақд пуллар қолдиғи деярли ўзгармаган ва 43,8 трлн.сўм даражасида барқарорлашган. Миллий валютадаги талаб қилиб олингунча депозитлар қолдиғи қарийб 1 трлн.сўмга қисқарган ва 37,7 млрд.сўмдан иборат бўлган. Миллий валютадаги бошқа депозитлар 1,6 трлн.сўмга ўсган бўлса, хорижий валютадаги депозитлар 3,5 трлн.сўмга камайган. Ликвидлик ҳажми ҳам меъёрлашмоқда. Вакиллик ҳисобварақлардаги маблағлар 4 трлн.сўмга камайиб, 17,8 трлн.сўмни ташкил этган. Бу деярли ўтган йилнинг шу даври миқёсига тўғри келади.