Февралдан буён биринчи марта депозитлар қолдиғи камайиши қайд этилган Уруш бошлангандан буён ўзбек банкларида депозитлар қолдиғи узлуксиз ўсиб келаётганди. Октябрь ойида жами депозитлар қолдиғи 240 млрд.сўмга камайган ва 1 ноябрь ҳолатига 206,5 трлн.сўмдан иборат бўлган. Депозитлар қолдиғининг камайишига фақат Туркистонбанк (-978 млрд.сўм) ва Хай-текбанкнинг (-92 млрд.сўм) ёпилишигина эмас, давлат банкларидан Ипотекабанк ( - 4 106 млрд.сўм), Асакабанк (-527 млрд.сўм), хусусий банклардан Трастбанк (-320 млрд.сўм) кабиларда депозит портфелининг сезиларли қисқариши ҳам роль ўйнаган. Умуман олганда, қисқаришнинг асосий юки фискал каналларга ҳаддан ташқари боғлиқ бўлган корпоратив секторга тўғри келган (-1 961 млрд.сўм). Чакана депозитлар қолдиғи ўсишда давом этган (+ 1 721 млрд.сўм). Дарвоқе, жисмоний шахсларнинг депозитлари қолдиғининг жами депозитлар қолдиғидаги улуши 27%дан ошган. Хусусий банкларда бу улуш 38%га етган Бу тарихий максимум. Келаси йилда ҳам депозит бозоридаги кураш асосан чакана секторда кечишини прогноз қилиш мумкин.