Хитойдаги норозиликлар нефть нархини қулатмоқда Хитойда COVID-19 тарқалиши статистикаси ва ноль толерант чекловлар нефть нархларини 2022 йилдаги минимумгача пасайтирди. Бугун кун минимумларида брент типидаги нефтнинг баррели 80 долларгача арзонлади. Хитойда кенгайиб бораётган норозилик иштирокчилари ҳатто сиёсий талабларни ўртага қўймоқда. Материк Хитойида сиёсий ва мафкуравий чақириқлар 1989 йилдан бери, Тяньаньмэнь майдонидаги воқеалардан кейин кузатилмаган эди. Нефть нархининг қулаши Катта Еттиликнинг босқинчи Россия нефти учун киритишни мўлжаллаётган 65-70 долларлик потолок нархларини ҳам қайтадан кўриб чиқишга ундаши мумкин. Чунки бугуннинг ўзида Россия нефти брент типидаги нефтга нисбатан 40 фоизгача дисконт билан, яъни 52 доллар атрофида сотилмоқда. Келаси ҳафтанинг бошида жуда кўп ноаниқликларга ойдинлик кириилади. Айнан 4 декабрь куни ОПЕК+ навбатдаги саммитга йиғилса, 5 декабрдан Россия нефти учун потолок нархлар ҳамда бошқа эмбарго чоралари кучга кириши керак.