2022 йилда номи элга достон бўлаётган "вазирлик"ларнинг бюджети қанчалиги номаълум 2022 йил бюджети қабул қилинаётган вақтда Оила ва хотин-қизлар қўмитаси ҳамда Маҳаллабай ишлаш ва тадбиркорликни ривожлантириш агентлиги йўқ эди. Табиийки, улар бюджет мундарижасида бирламчи тақсимловчи сифатида кўрсатилмаган ва улар учун маблағларнинг чекланган миқдорлари тасдиқланмаган. Қўмита 2022 йил 1 март куни, Агентлик эса 2021 йил 24 декабрда ташкил этилган, лекин бу пайтда 2022 йил бюджети Сенат тасдиғидан ўтган ва Президент имзосига юбориб бўлинганди. Қизиқ тарафи, 2022 йилнинг ўтган даврида айнан шу қўмита ва шу агентлик турфа харажатлари, ўзгача тадбирлари билан тез-тез эътибор қозонмоқда Қўмита ва агентлик тузилишининг ўзи хатолиги ҳозир савол ҳам эмас. Лекин савол бу икки вазирликнинг бюджети тасдиқланмагани ҳолати уларнинг "достон" бўлаётгани кейсларига боғлиқмикан? Чунки шаклланган анъанага кўра, бундай вазирликларнинг харажатлари амалга ошириб бўлинган харажатлар доирасида тасдиқланади қўйилади. Ҳозир бюджет жараёнининг айни қизиган вақти. Демакки, ўтган йилги хатоларни такрорламаслик вақти ҳам. Ҳар икки "вазирлик" бюджет тақсимловчилари қаторида бўлмаслиги керак. Умуман бўлмаслиги керак.