Қимматлашган олтин захираларимизни 2 млрд.доллардан кўпроққа оширди 2022 йилнинг охирги ойида халқаро захираларимиз қолдиғи 2,3 млрд.долларга ошиб, қарийб 35,8 млрд.долларга етди. Захираларнинг валюта қисми 1 712,7 млн.долларга ўсиб, 11 645,4 млн.долларни ташкил этган. Захираларнинг олтин қисми 600,8 млн.долларга кўпайган ва 23 064,8 млн.долларга етган. Таъкидлаш керакки, захира олтиннинг физик ҳажми 0,04 млн.унцияга, 12,7 млн.унциягача камайган. Ўзбекистон ойига 8-10 тонна олтин ишлаб чиқариши ҳисобга олинса, тахминан шунча, балки ундан ҳам кўпроқ олтин сотилган бўлиши мумкин. Декабрь ойи олтин учун жуда қулай котировкаларни таклиф этди. Декабрь максимумларида 1 унция олтин нархи 1 840 доллардан ошди. Айни пайтда котировкалар 1 870 доллардан қимматроқ коридорда ўтмоқда.