Давлат раҳбарига ер усти метроси бекатларининг иккинчи чиқиш йўлини кўрсатишаяптимикан? Хушнудбекнинг ёзишича, бугун Давлатимиз раҳбарига Қўйлиқдан Сергелигача бўлган ер усти метро бекатларини кўрсатишмоқда экан. Ўтган сафарги презентацияларда Дўстлик-2 бекатидан Қўйлиққача, Олмазордан Сергели 5- бекатгача бўлган ер усти метросини кўрсатишда Раҳбарни бекатнинг бир тарафидан олиб чиқишиб, яна ўша бир тарафидан олиб тушишган. Чунки ер усти метро бекатларининг иккинчи чиқиш тарафлари бекатлар ишга туширилганидан буён бирон марта очилмаган ва ишлатилмаган. Ҳаттоки, кўпчилигига эскалатор ва лифтлар ўрнатилмаган. Бекатларнинг инфлратузилмаси одамлар учун эмаслиги ҳақидаку гапирмасаям бўлади. Йўлнинг қарама қарши тарафига ўтиш хавфсизлиги умуман таъминланмагани ҳақида гапиришдан фойда йўқ. Мана бу 2,5 йил аввалги 4-бекат. Ҳалиям ўша аҳвол. На светофор, на хавфсизлик оролчалари мавжуд. Имконияти чекланганларгаку шунчаки тупуриб қўйилган. Президентдан илтимос, атрофингиздагиларнинг йўл бошлашларига ишонманг. Раматов, Нарбаева ва Раҳмоновлар кўрсатган тарафга эмас, тескари тарафга бир юриб кўринг. Асл аҳволни ўз кўзингиз билан кўринг.