Электр ва газ тарифларини эркинлаштириш май ойида юз бериши мумкин Бу ҳақда Газетаўз Марказий банк раиси ўринбосари Беҳзод Ҳамраев очиқлаган кутилмаларга таяниб маълум қилмоқда. Газета ва регулятор ўртасидаги суҳбат деярли икки ҳафта аввал, 26 январда бўлиб ўтган. Эътиборлиси, нархларни эркинлаштириш жорий йил инфляция прогнозига киритилгани айтилган. “Пул-кредит сиёсатининг 2023 йил ва 2024-2025 йиллар даврига мўлжалланган асосий йўналишлари”га кўра, асосий сценарийда электр энергияси ва тармоқли газ нархлари босқичма-босқич бозор нархларига яқинлаштирилади, муқобил сценарийда эса электр энергияси ва табиий газ нархларининг инфляция даражасида индексация қилиб борилиши кўзда тутилган.