Россиянинг охирги ликвид пуллари сақланаётган суверен фонди ФНБ ҳам санкцион рўйхатга қўшилган Кўпчилик санкцион рўйхатга 176- бўлиб қўйилган Фонд национального благосостояния (National Wealth Fund of the Russian Federation) кейсига эътибор қаратмаяпти. Ваҳоланки, кўлами ва аҳамияти жиҳатидан 10- пакетдаги энг оғриқли санкция айнан шуниси. 1 февраль ҳолатига ФНБнинг ликвид активлари 91 млрд.доллар ёки ЯИМнинг 4,2%и миқдорида бўлган. Нефть ва газ экспортига қарши эмбарго ва потолок нархлар шароитида айнан ФНБнинг ликвидлилиги Россия бюджетидаги улкан тешикни ямаб туришга асосий манба бўлиб турганди. Кўпчилик айтиши мумкин, ФНБ балансида доллар қолмаган ва евро кичик миқдорда деб (10,5 млрд.евро). Ҳа шундай. 1 февраль ҳолатига ликвидликнинг энг катта қисмини 551,3 тонналик олтин ташкил этади. Айнан шу олтинни пулга айлантиришда энди етарлича муаммолар туғилади, камида иккинчи ва учинчи дунё мамлакатларига дисконт билан таклиф этишдан ўзга чора қолмайди. Фонд балансидаги 307,4 млрд. миқдоридаги юаннинг қанча қисми сотилганини 1 март ҳолатига билишимиз мумкин бўлади. Агар унгача Статистикани ёпиш тўғрисидаги қонун кучга кириб қолмаса.