Яндекс.Такси Ўзбекистонда юридик шахс ташкил этмагани монополияга қарши тартибга солишда маълум қийинчиликларни туғдирмоқда Антимонополи органи (Рақобатни ривожлантириш ва истеъмолчилар ҳуқуқларини ҳимоя қилиш қўмитаси) берган баёнотига кўра, Яндекс компанияси мамлакатимизда юридик шахсни ташкил етмаганлиги масаласи Қўмитанинг ваколатига кирмайди. Aммо, ушбу масалада Ўзбекистон Республикасининг ваколатли органларининг келишилган изчил ҳаракатларига эҳтиёж мавжуд. Қўмитага кўра, Яндекс.Такси Ўзбекитсонда юридик шахс ташкил этмагани уларнинг фаолиятини монополияга қарши тартибга солишда маълум қийинчиликларни туғдирмоқда, шу жумладан, таҳлил қилиш нуқтаи назаридан ҳам. Масалан, Ўзбекистон Республикаси Вазирлар Маҳкамасининг 2013-йил 20-августдаги 230-сон қарори билан тасдиқланган Товар ва молия бозорида хўжалик юритувчи субйектнинг ёки шахслар гуруҳининг устун мавқеини эътироф етиш ҳамда Товар ёки молия бозорида устун мавқейини егаллаб турган хўжалик юритувчи субйектларнинг давлат рейестрини юритиш тартиби тўғрисидаги Низомга мувофиқ, тегишли бозорни ўрганишда монополияга қарши орган давлат ва хўжалик бошқаруви органларидан тегишли равишда кўрсатилган хизматлар ҳажми, хўжалик юритувчи субйектнинг давлат рўйхатидан ўтказилганлиги тўғрисидаги гувоҳноманинг нусхаси ва бошқа зарурий маълумотларни сўраб олиши белгиланган. 2023-йил феврал ойида Yandex Go хизмати таъсисчилари YANDEX N.V. (Schiphol Boulevard 1651118 BG, Schiphol, The Netherlands), Yandex Europe AG (Werftestrasse 4, CityBay Business Center, CH – 6005 Lucerne, Switzerland), Ridetech International B.V. (Schiphol Boulevard 165, 1118 BH, Schiphol, Netherlands) компанияларига сўровлар жўнатилган. Қўмита баёноти якунида мустақил экспертлар ва блогерларни давлат органларини ишчанлик обрўсига путур етказувчи маълумотларни, шахсий фикрларини тарқатмасликка чақирган ва маълумотларни эълон қилинишидан олдин Қўмита билан ҳамкорликда конструктив ишлаш имконияти мавжудлигини эслатган.