Миграция агентлиги Россиянинг ёлғонини ёлғон деб аташга куч топа олгани хурсанд қилади Миграция агентлиги Россияда вақтинча меҳнат фаолиятини олиб бораётган ватандошларимиз сони 1,5 миллиондан ошмаслигини таъкидлаб, Путин вазири Решетниковнинг тўқима ёлғонини ёлғон дейишга куч топа олипти. Бу яхши, дадиллик хурсанд қилади. Лекин Агентликнинг ишлари етарли эмас. Қачонки ўзбекистонлик меҳнат мигрантлари Европа иттифоқида, Британияда, Кореяда, Японияда ва умуман инсон инсон саналадиган мамлакатларда, инсон ҳуқуқи таъминланадиган ва ҳурмат қилинадиган юртларда кўпроқни ташкил этишни бошласа, ана унда яхши ишлашни бошлаяпсизлар деса бўлади. Россияда ишлаш учун келаётган Ўзбекистонликларнинг сони охирги 7 йилда 4 баробарга ошгани ҳақида тўқилган уйдирма ва умуман мигрантлар сонини шишириб кўрсатиш билан боғлиқ Россия пропагандаси ҳақида кеча тўхталган эдик.