Зараркунанда “Ангрен” кўмир конига 80 миллион доллар кредит ажратилади. Кредит имтиёзли бўлмаслиги мумкинмас Кўмир қазиб олишни камайтиришда давом этаётган, миллиардлаб зарар кўриб ишлаётган Ўзбеккўмир АЖга яна 80 млн.доллар кредит бериладиган кўринади. Бўғзигача қарзга ботирилган (шундан 1,1 трлн.сўм банк кредитларидан) корхонага қайси банк кредит бериши мумкин? Албатта, фақат давлат банки. Албатта, яна имтиёзли шартларда. Чунки соғлом банк зараркунандаларга кредит ажратмайди. Албатта, ақлли одам дарров савол беради, нега ишончли бошқарувга топширилганига 3 йилдан ошган корхонага яна кредит берилиши керак? Нега ишончли бошқарувни ўз зиммасига олган тўда ўзи маблағ топмайди? Нега яна давлат балогардон бўлиши керак? Ишончли бошқарув учун ҳар чоракда тўланаётган миллиардлаб пуллар қаёққа кетаяпти? Ўзбек чиновниклари самарали эмас, бунга шубҳа йўқ. Лекин ишончли бошқарувни қўлига олган очофат олигархия ўзбек чиновнигидан каррасига кўпроқ зараркунанда бўлса, балки камроқ зиён келтирадиган вариантни танлаш вақти етгандир ҳеч қурса?