Асосий ставканинг кўтарилиши турк лираси қулашини тўхтата олмади Туркия Марказий банки 27 ой деганда биринчи марта асосий ставкани кўтарди. 6,5 фоиз бандига оширилган асосий ставка энди 15%ни ташкил этади. Банк бошқаруви нархлар ўзгарувчанлиги ва инфляцион кутилмаларни жиловлаш йўлида пул-кредит сиёсатини қаттиқлаштириш бошланганини эълон қилди. Лекин ставка оширилишини бозор иштирокчилари етарли чора деб қабул қилмади. Аксар кутилмалар ва прогнозларда ставканинг 25%гача кўтарилиши ва яна 3 қадамда 40%гача етказилиши айтилганди. Бошқача айтганда, Туркия Марказий банки қатъиятини кўрсатди, лекин бу қатъият бозор иштирокчилари кутганчалик бўлиб чиқмади. Қарор эълон қилингач, лира қулашда давом этди ва ҳозирда 1 доллар учун 24,60 лира таклиф этилмоқда.