Олмазор ва Чилонзордан уй олманг Фақат чуқурлашиб бораётган энергетик кризиснинг ёзги фазасида ижтимоий тармоқлар, шахсий мулоқотлар ва албатта 1055 диспетчерлик хизматида жамланаётган кунлик, ҳафталик ва ойлик шикоятлардан келиб чиқиб, коммунал инфратузилмаси энг расво даражага тушган пойтахтдаги уч туман бу Олмазор, Чилонзор ва Юнусобод деган хулосага келдим. ИМҲО. Потенциал инвесторлар агар маблағи ва ўзларининг ҳаёт истиқболига рационал ёндашсалар, бу уч тумандаги таклифлардан узоқроқ бўлишлари керак. Тошкент вилоятидаги коммунал инфратузилмаси (айниқса свет ва сув масаласида) энг тубига қулаган уч туман эса, менинг назаримда, бу Тошкент тумани, Ўрта Чирчиқ тумани ва Нурафшон шаҳри. Пойтахтнинг шундоқ биқинидаги бу ҳудудларда вазият энерготаъминотда пойтахтга боғлиқ бўлгани учунми ё бизнеснинг инфратузилмага юклаиаси тезроқ ортаетгани учунми, балки айримларга кўра, ўзбек топ чиновниклари яшамайдиган ҳудудлар ҳисобланганиданми фақат оғирлашиб бормоқда. Мабодо пойтахтдан ташқарида нафас оладиган ерли манзил қилмоқчи бўлсангиз шимолий тарафни, яъни сувбошини танланг. Бекорга ўзбек чиновниклари ва уларнинг шогирд ва шотирлари ўша тарафларни манзил тутмаган.