Кутилганидек, энг муҳтож тоифанинг нафақаларидан 420 минг сўмгача иқтисод қилиб қолинди 1 августдан бошлаб: зарур иш стажига эга бўлмаган кекса ёшдаги фуқароларга бериладиган нафақа: иш стажи тўлиқ бўлмаган чоғдаги ёшга доир пенсия; ўзгалар парваришига муҳтож ногиронлиги бўлган 18 ёшгача болаларнинг парвариши билан банд бўлган боланинг қонуний вакилига бериладиган нафақа; боқувчисини йўқотганлик нафақаси олувчиларнинг бир нафар меҳнатга қобилиятсиз оила аъзоси учун нафақа; боқувчисини йўқотганлик пенсияси олувчиларнинг бир нафар меҳнатга қобилиятсиз оила аъзоси учун пенсия миқдори 568 000 сўмга етказилади. Ҳукумат ва статагентлик 2023 йил учун минимал истеъмол харажатларини белгилашни камида 6 ойга кечиктириш орқали ҳар бир муҳтождан камида 420 минг сўмдан тежаб қолишга эришди. Ҳукумат каррасига шиширилган лойиҳалар билан ҳам, мазасини олигархия ва монополистлар кўраетган битимлар бўйича ҳам шунақа тежамкор бўлганида узвийликни тушуниш ва олқишлаш мумкин бўларди. Лекин ўзбек амалдорлари фақат масала камбағалларга келганидагина тежамкор бўлиш кераклигини эслаб қоладилар.