​Сўмнинг реал самарали алмашув курси мустаҳкамланишда давом этмоқда Марказий банк тақдим этган Пул-кредит сиёсати шарҳидан илгари алоҳида тақдим этиб келинган маълумотлар ҳам ўрин олган. Хусусан, реал самарали алмашув курси шарҳи охирги марта 2022 йил ноябрь ойида тақдим этилган эди. Шундан буён миллий валютанинг курсига оид муҳим шарҳ тўхтаб қолган. 2023 йил 2-чораги бўйича Пул-кредит сиёсати шарҳида шу пробел тўлдирилган. Демак, базавий давр ҳисобланадиган 2019 йил сентябрга нисбатан сўмнинг реал самарали алмашув курси 10,8%га, ўтган йилнинг шу даврига нисбатан 8,3%га мустаҳкамланган. Сўмнинг реал курси мустаҳкамланиши асосий савдо ҳамкорлар Россия, Хитой ва Туркия миллий валюталарининг кескин ва сезиларли қадрсизланиши, шунингдек, тўрт асосий ҳамкор давлатда инфлция секинлашуви таъсирида шаклланмоқда. Сўмнинг реал самарали алмашув курси мустаҳкамланиши импортни рағбатлантиради ва экспортни ўсишига эса аксинча таъсир кўрсатади. Ўрта муддатли истиқболда сўмнинг номинал алмашув курсига эса босим орта бошлайди.