10 миллион кўчат қуритилган Давлат раҳбари бугунги чиқишида амалдорлар ишни ўз ҳолига ташлаб қўйгани сабабли 10 миллион кўчат қуритилганига эътибор қаратди. Қуритилган кўчатларнинг пулдаги қиймати айтилмаган. Лекин 10 миллион кўчат 1 доллардан бўлса, 10 млн.доллар, 5 доллардан бўлса, 50 млн.доллар дегани. Янги мавсум учун кўчат экиш тадбирлари инвестиция дастури асосида амалга оширилиши ва бунга 500 млрд.сўм ажратилиши эълон қилинди. Бу жуда катта пул. Қўрқаманки, қўшиб ёзиш, экилмаган кўчатни экилди, деб кўрсатиш ва дарахт қуритиш ҳадисини олган амалдорлар яна пулларни кўкка совуришади. Шу пулларни амалдорларга эмас, одамларнинг ўзига бериш кераклиги тўғрисида аниқ мисоллар билан ёзгандик. Яна қайтарамиз: Яшил Макон учун мўлжалланган маблағларни (Инвестиция дастури бўйича ҳам) Ташаббусли бюджетлаштиришга қўшиб бериш керак.