Иккинчи ярим йиллик келди, лекин газ қазиб олиш қисқаришдан тўхтамади Июль ойида 3 902,7 млн.куб газ қазиб олинган, бу ўтган йилнинг июлида қазиб олинганидан 355,7 млн.кубга кам деганидир. Йиллик қисқариш 2 869,3 млн.кубга етган. Газ қазиб олишнинг қисқариши йилнинг барча даврини тўлиқ қамраб олиб бўлди (2022 йил декабрдаги статистик аномалия ҳисоб эмас) ва бу энди тенденция. Энергетика вазирлигининг йилнинг иккинчи ярмидан «динамиканинг ўзгариши» ҳақидаги баёнотларини яхши ният сифатида қабул қилиш керак холос. Динамика ўзгариши энди деярли имконсиз. Ўрта ва узоқ муддатда қазиб олиш муттасил пасайиб боришини очиқ тан олган ҳолда, режаларни ва лойиҳаларни қайта кўриб чиқиш керак бўлади.