Ҳайрон бўлмаслик керак Марказий банкка энди ҳокимлар ҳам топшириқ бераётганидан умуман ҳайрон бўлмаслик керак. Ўзсаноатқурилишбанк қонун билан белгиланган бир қарз олувчи ёки ўзаро алоқадор қарз олувчилар гуруҳи учун белгиланган риск чегараси туфайли Ўзбекнефтегазга февраль ойида 198 миллион доллар кредит беришга ҳаққи бўлмаган, лекин берган. Кредит ажратилган вақтда Ўзбекнефтегаз тааллуқли қарздорлик гуруҳининг таваккалчиликнинг миқдори 39,3 фоизга етган (максимал чегара 25,0 фоиз). Чунки зудлик билан Газпромбанкдан олинган кредитни қайтариб бериш керак бўлган. Топшириқ тушган (қаерданлиги муҳиммас, балки ҳукуматдан, балки Кремлдан, балки шу кредит чиқишидан манфаатдор олигархнинг ўзи қўнғироқ қилган). Эсда тутиш керак бўлган асосий нуқта шуки, Марказий банк унинг ўзи белгилаган қоидаларнинг очиқчасига, намойишкорона бузилишини кўрган, лекин кўз юмиб турган. Бу сафар ҳам кўз юмиб туради.