Xabar berishlaricha, Rossiya Oʻzbekistonda Rossiya taʼlim standartlari asosida oʻqitiladigan maktablar qurish taklifini bergan va bu taklif Oʻzbekiston tomonidan qabul qilingan. Rossiya suveren Ukraina hududiga bostirib kirganidan keyin Rossiya oʻquv dasturlariga ushbu bosqinchilik urushini oqlovchi darslar va mavzular kiritilganiga, umuman, maktab taʼlimi ham propagandaning bir qismiga aylanganiga koʻz yumgan taqdirimizda ham, Oʻzbekistonning "Taʼlim toʻgʻrisida"gi qonuniga koʻra, Oʻzbekistondagi taʼlim tashkilotlarida Oʻzbekiston davlat ta’lim standartlarini va (yoki) davlat ta’lim talablarini bajarish majburiydir.