​Нон ва ун нархлари сентябрда сезилган инфляциянинг асосий омилига айланган Аҳоли томонидан сезилган инфляция августда қандай кескин ошган бўлса, сентябрда шундай кескин пасайган ва 13,3%(-1,2%)ни ташкил этган. Маҳсулотлар қирқимида нон ва ун нархлари юқори даражада ўсганлиги қайд этилган биринчи рақамли товар гуруҳига айланган. Эътиборлиси, нон ва ун нархларининг ўсиши даромадлари 10 млн.сўмгача бўлган барча аҳоли қатламлари учун биринчи рақамли хавотирга айланган. 10-15 млн.сўмлик даромад эгалари учун бензин ва ёқилғи нархлари, 15 млн.сўмдан кўп даромад эгаларини эса мева-сабзавотлар нархи ўсиши энг кўп оғринтирган. Лекин бойлар ҳам сезилган инфляцияда нон ва унни иккинчи асосий омил ўлароқ санашган. Шунингдек, сентябрда тухум, ёғ, ижара ҳақи нархлари ошганлигини сезганлар кескин кўпайган. Энг баланд инфляция ҳалиям Тошкентда сезилмоқда: 14,8%. Даромади 15 миллион сўмдан юқори бўлган бойлар сезаётган инфляция 15,2%ни ташкил этмоқда. Жиззах ва Қорақалпоғистонда 8% ва ундан камроқ инфляцияни сезаётганлар кўпчиликни ташкил этган.