НКМК соф фойда режасини 14 трлн.сўмгача оширган Маълум қилинишича, Навоий кон металлургия комбинати 2023 йил якуни бўйича 14 трлн.сўм миқдорида соф фойда олишни режалаштирмоқда. Лекин бу ҳам ўтган йил кўрсаткичидан 1,4 трлн.сўм кам. Аввалроқ, НКМК жорий йилда 9 трлн.сўм ёки 2022 йилга нисбатан 6,4 трлн.сўм кам фойда режа қилгани ва компания кенгаши таннархни оширилганини қайд этиб, бизнес режани қайта кўриб чиқиш тўғрисида топшириқ берилгани ҳақида ёзган эдик. Компания матбуот хизмати 14 трлн.сўмлик соф фойда режаси Кенгаш тарафидан тасдиқланган ё тасдиқланмагани, бизнес-режада харажатлар ниманинг ҳисобидан оширилгани ва кейин қандай камайтирилгани масаласига тўхталмаган. НКМК акциядорлик жамияти бўлишига қарамай, муҳим фактларни ва корпоратив ҳисоботларни очиқламай келади.