Чигит муаммоси ҳал бўлгани йўқ Бизнес омбудсманга кўра, Қашқадаредан чигит маҳсулотларини олиб чиқиб кетиш билан боғлиқ муаммо бартараф этилган. Йўқ, бу рост таъкид эмас. Камида ўтган йиллардаги каби Ўзбекистонликларни алдаш учун тўқилган ва тўлиқ бўлмаган, демакки феълан чала ёлғон маълумот. Ўзбекистонда ва унинг таркибий қисми ҳисобланган Қашқадарёда сотиб олинган чигитни олиб чиқиб кетиш билан боғлиқ муаммо, қачонки Ўзбекистон Конституцияси, қонунлари ва бизнес юритиш кафолатларини очиқдан-очиқ бузаетганлар маҳкамага тортилиб, жазосини олгандан кейингина ҳал бўлди, деса бўлади. Акс ҳолда, 2020, 2021, 2022 ва 2023 йилда бўлгани каби зўравонлик давом этаверади. Жиноят бор жойда жиноятчилар топилиши ва жазоланиши керак.