“Ўзбектелеком” акциядорлик компанияси IPO орқали жойлаштириш учун ўз устав фондидан жами 5 542 046 дона қўшимча акциялар чиқарилишини рўйхатдан ўтказибди. Бу ҳақида “ICTWEEK-2023” ҳафталигида маълум қилинди. Обуна кампанияси жорий йил охиригача якунланиши кутилмоқда. Эмиссиянинг тахминий қиймати 33 млрд. сўмдан 55 млрд. сўмгача бўлган диапазонга тўғри келади. “Portfolio Investments” компанияси Ўзмиллийбанк ва СҚБ билан консорсиумда “Ўзбектелеком” IPOнинг андеррайтери ҳисобланади. ICTWEEK UZBEKISTAN форуми доирасида жойлаштириш кампаниясининг расмий бошланиши бўлиб ўтди. Ҳафталик давомида UZTELECOM томонидан тақдимот қилинган янги тариф ва хизматлардан компаниянинг мижозлар ҳаётини яхшилаш ва илғор рақамли технологик ечимларни яратишга интилаётганини кўриш мумкин. Реклама