​Сенат биноси келаётган қишда яхши исирмикан? Ҳар гал ойнаванд Сенат биноси олдидан ўтганда шу савол хаёлимга келади. Фасади улкан ва саноқсиз ойналар билан жиҳозланган бинони қандай иситишади? Ўтган қишда сенаторларимиз озмунча қийналдими? — Мен тўғрисини айтаман, ўзим 2-қаватда ўтираман, хонанинг ҳарорати 15-20 градусдан ошмаяпти. Пальтомни кийиб ўтираман. Буни мен яширмайман. Бугун бутун халқимиз қийналяпти, — деган эди сенаторлардан бири. Шунга ўйлаб қолдим, Қашқадарё тажрибаси асосида биттадан ойна қолдириб, қолганини ғишт билан ёпиб ташласа бўлмасмикан? Қишда иссиқ, ёзда салқин бўлади. Шунда Сенатга ажратилган 108 млрд.сўм бюджет пулиям анча тежаларди. Сенаторларимизам иссиқ жойда ўтириб ишлашарди. Тўғрими? Мактаби иссиқ юртнинг сенатиям иссиқ бўлади.