Августдаги курс тўғирланиши мувозанатни яхшиламаган 2023 йилнинг 11 ойи давомида тижорат банклари ўзи ва мижозлари учун Валюта биржасида 17,0 млрд.доллардан ортиқроқ валюта сотиб олишган. Бу 2022 йилнинг тегишли даврига нисбатан қарийб 4,5 млрд.долларга кўп. 11 ойда тижорат банклари биржада сотган валюта ҳажми 5,6 млрд.долларни ташкил этган (2022 йилнинг тегишли даврига нисбатан 29,9 млн.долларга камроқ). 2023 йил январь-ноябрь ойларида биржада тижорат банклари томонидан сотиб олинган ва сотилган валюта ҳажми фарқи 11,4 млрд.доллардан ошган. Айтиш керакки, 2023 йил августдаги курс тўғирланиши биржадаги валюта таклифини кўпайтира олмаган. Сотув учун таклиф сентябрдаям камайишда давом этган, фақат октябрга келибгина тижорат банкларининг биржага сотуви оша бошлаган. Солиштириш учун, 2022 йил мартдаги курс тўғирланиши сотув таклифини деярли 2 баробарга оширган ва апрель ойида ҳатто мусбат мувозанатни яратганди.